அபுதாபி ஏர்போர்ட் ரோடு கே.எஃப்.சி. பூங்காவில் அய்மான் சங்கத்தின் சார்பில் அமீரகத்தின் 54வது தேசிய தின விழா 01-12-2025 அன்று வெகு சிறப்புடன் கொண்டாடப்பட்டது.
நிகழ்ச்சி அமீரக தேசிய கீதத்துடன் தொடங்கியது.
அமீரகம் நமக்கு வேலைவாய்ப்பு உள்ளிட்ட பல வசதிகளை செய்து கொடுத்துள்ளது.
அதற்கு நன்றி தெரிவிக்கும் வகையில் இந்த தேசிய தின விழா கொண்டாட்டத்தை வருடந்தோறும் அய்மான் சங்கத்தின் மூலம்
கொண்டாடி வருகிறோம்.
இந்த விழாவிற்க்கு அய்மான் சங்க தலைவர் கீழக்கரை ஹெச்.எம். முஹம்மது ஜமாலுதீன் தலைமை தாங்கினார். பொதுச் செயலாளர் லால்பேட்டை ஏ.முஹம்மது அப்பாஸ் மிஸ்பாஹி வரவேற்புரை நிகழ்த்தினார். துணைத் தலைவர்கள் கீழக்கரை ஷேக் பரீது, காதர் மீரான் பைஜி, ஆவை முகம்மது அன்சாரி, மதுக்கூர் அப்துல்லாஹ் அவர்கள் முன்னிலை வகித்தார்.
அய்மான் சங்கம் செய்து வரும் சமூக சேவை பணிகளை சங்கத்தின் நிர்வாக செயலாளர் ஆடுதுறை முஹம்மது அப்துல் காதர் அவர்கள் எடுத்துரைத்தார்கள்.
வினாடி வினா உள்ளிட்ட பல்வேறு விளையாட்டு போட்டிகள் மிக சிறப்பான முறையில் நடைபெற்றது.
போட்டிக்கான ஏற்பாடுகளை பைத்துல்மால் தலைவர் அதிரை ஏ சாகுல் ஹமீது ஹாஜியார், மார்க்கத்துறை செயலாளர் ஹுசைன் மக்கி ஆலிம் மஹழரி , துணை தலைவர் காதர் மீரான் பைஜி, பைத்துல் மால் பொதுச்செயலாளர் பார்த்திபனூர் நிஜாமைதீன், பொருளாளர் பசுபதி கோவில் சாதிக் பாட்சா , விழா குழு செயலாளர் லெப்பை தம்பி, செயற்குழு உறுப்பினர்கள் கட்டுமாவடி தஸ்தகிர் இப்ராகிம், அம்பகரத்தூர் முஹம்மது கைசர், கீழக்கரை அஜ்மல் தாஹிர், சையீத் பாசில், நெல்லை முஹம்மது ஹுசைன் உள்ளிட்ட குழுவினர் சிறப்புடன் நடத்தினர்.
இவ் விழாவில் இந்திய யூனியன் முஸ்லிம் லீக் முதன்மை துணைத் தலைவர் ஜனாப் அப்துல் ரஹ்மான் Ex MP. அமீரக காயிதே மில்லத் பேரவையின் பொதுச் செயலாளர் பரக்கத் அலி, அமீரக காயிதே மில்லத் பேரவையின் துணை தலைவர் சகோதரர் ஹமீது ரஹ்மான், அபுதாபி அமீரகத் தமிழகத்தின் தலைவர் டாக்டர் ரவிச்சந்திரன், தமிழ் மக்கள் மன்றத்தின் தலைவர் திரு சிவக்குமார், தொப்பி வாப்பா உணவகத்தின் நிறுவனர் உமர் முக்தார், துபாய் மண்டல தலைவர் காமில், தி பிரியாணி ஷாப் உரிமையாளர் முஹம்மது ரியாஸ் மற்றும் முஹம்மது தாரிக், டேஸ்டி தஞ்சாவூர் உணவகத்தின் நிறுவனர் திருமதி நதியா, LLH மருத்துவமனையின் சார்பில் அப்துல் சலீம் உள்ளிட்டோர் சிறப்பு விருந்தினர்களாக கலந்து கொண்டனர்.
போட்டிகளில் வெற்றி பெற்றோருக்கு புனித உம்ரா சென்று வர கூப்பன் அல் மொலாபி தமிழ் உம்ரா மற்றும் அல் அமீன் உம்ரா நிறுவனத்தின் மூலம் வழங்கப்பட்டது. மற்றும் 55 இன்ச் LED டிவி உள்ளிட்ட ஏராளமான பரிசு பொருள்கள் வழங்கி மகிழ்விக்கப்பட்டது.
பெண்களுக்கு தனி இட வசதிகள் மற்றும் விளையாட்டு போட்டிகள் ஏற்பாடு செய்யப்பட்டு அவர்களுக்கும் பரிசுப் பொருட்கள் வழங்கப்பட்டன.
மேலும் LLH மருத்துவமனை சார்பில் இலவச மருத்துவ முகாமும் செய்யப்பட்டிருந்தது.
மேலும் அல் அஹலியா மருத்துவமனையின் சிறப்பு மருத்துவர் மீனாட்சி மற்றும் புர்ஜில் மருத்துவமனையின் சிறப்பு மருத்துவர் செந்தில் பிரபாகர் சாமிராஜ் அவர்களும் கலந்து கொண்டு சிறப்புரை வழங்கினார்கள்.
மேலும் நிகழ்ச்சியில் முழு பங்களிப்பு வகித்த அய்மானின் புகைப்பட கலைஞர் காயல் Subhan Peer Mohamed அவர்களுக்கும் நிகழ்ச்சியில் ஆர்வத்துடன் ஒவ்வொரு வருடமும் பங்கேற்று வரும் அனைத்து உறுப்பினர்களுக்கும்,
அய்மானுக்கு தொடர்ந்து தங்களது ஆதரவை வழங்கி வரும் நன்கொடையாளர்கள் உள்ளிட்டோருக்கும், அதீப் நிறுவனத்தின் உதவியாளர்களுக்கும் அனைத்து நிர்வாகிகளும் சார்பாக நன்றிகளை தெரிவித்துக் கொள்கின்றோம். 
